Un estudo sobre os esquemas de representación aplicados á nenez nas estampas de Castelao para tratar de comprender o sentido e a función do neno na obra do artista. Este é o obxectivo do libro Cousas de nenos. Unha aproximación á representación da infancia en Cousas da Vida de Castelao, que este mércores presentaron Diana Vilas e Óscar Rodríguez. A obra é un dos últimos froitos do proxecto estatal que se desenvolve desde o campus de Ourense baixo a dirección de Mª Victoria Carballo-Calero sobre a obra gráfica do creador galego.