A historia que conta Fernández del Riego podería situarse en calquera parroquia do noso país. Mauro, o protagonista, converxe en dous tempos - o pasado e o presente - unha vida que ben pode ser a historia propia de tantos. A Guerra, co seu trasfondo de violencia múltiple, móstrase en toda a súa realidade de pegadas insuperables. Del Riego entrega esta obra de tensión creativa en que o escritor aparece con toda a súa sabedoría acumulada.