A Música Dos Carricoba : Biografía Dos Compositores Lucenses Emilio, Virgilio E Aníbal Carricoba

Esta obra recupera a traxectoria persoal e profesional de tres lucenses que viviron volcados por e para a música ao longo do século XX. O pai Emilio Carricoba e os seus fillos Virgilio e Aníbal Carricoba Gay. Tres autores nacidos en Ferreira de Pallares, parroquia do concello de Guntín, cuxa exhaustiva biografía convértese ademais neste proxecto nunha representación cronolóxica do que podería ser a vida dun músico de banda na Galicia do século XX. O libro vai acompañado dun CD que inclúe gravacións da música que compuxeron os Carricoba. En total, nove pezas interpretadas pola Banda de Música de Sarria.