A Proporción Dourada

Sinopse "A proporción dourada, de Manuel Blanco Rivas é un poemario en cinco actos. Semella ser un percorrido inevitábel polos espazos e sentimentos que fican inalterábeis na memoria do autor. Aqueles lugares que conformaron a súa personalidade e que crearon un forte vínculo coa "terra", á que se achega mediante o medio vehicular do recordo. "Mais, ás veces, hai duras realidades que baten e feren, e entón, Manuel insértase no berro activo da palabra, fai seu o pranto do hábitat destruído, masacrado". Chegaron coas súas máquinas e roubaron o mundo o mundo de arriba e o de abaixo o mundo onde latexa a vida e o mundo que garda dos deuses a memoria Chegaron cos seus monstros de ferro e deixaron o pobo sen pasado. Lapidaron os lugares sagrados con moreas de entullo e refugallo