A Xanela Insólita

Velaquí a segunda xanela, a insólita, que se abre ante nós para podermos albiscar os piares da ficción científica; o xénero das preguntas sen resposta, o xénero activador do mecanismo do pensamento, o xénero dos xéneros… Acompañádenos neste breve e intenso paseo entre a época dos precursores da idea do futuro e as portas do novo milenio. Cunha parada nun capítulo exclusivo adicado á ficción científica na Galiza. Faremos un percorrido entre libros, anécdotas, autores, enfoques, tempos e espazos, que deixará claro ao lector curioso que a literatura non é máis que un xogo entre distintas realidades converxentes, diverxentes, superpostas ou xustapostas atravesadas pola desacougante liña do tempo.