As Criadas. O Balcón

As dúas pezas que se inclúen neste volume dan conta dun dos motivos recorrentes na obra dramática de Jean Genet, o da vida como un xogo de máscaras. O que implica que a condi-ción humana non deixa de ser a superposición de numerosos roles que se combinan de forma permanente. Esa visión do ser humano como suma de caretas, que se usan en función das expectativas da situación e da pulsión do desexo, amosa unha radiografía cáustica e aceda do ser humano.