Catedra Filgueira Valverde; Estudos De Investigación Convocatorias 2005-2007

O presente volume contén os traballos máis salientables realizados durante os últimos anos ao abeiro desta Cátedra. É un percorrido pola investigación sobranceira nos ámbitos da Enxeñaría Forestal, a Política e as Ciencias Sociais e da Comunicación resumidos en oito artigos asinados polos profesores Arias Sánchez, Cancela Outeda, Fandiño Alonso, Lens Leiva, López Mira, Pena Rodríguez e Valero Gutiérrez del Olmo. Son todos eles estudosos senlleiros do campus de Pontevedra e coordinadores de grupos nos que figuran os 27 investigadores que participaron dalgún xeito nos proxectos resumidos nesta publicación, e que conxugan a análise do momento histórico que viviu o profesor Filgueira Valverde co exame das necesidades de tipo político, social e de desenvolvemento sostible da sociedade actual.