Humor En Cadriños, O

Cinco dos máis salientabeis humoristas gráficos galegos dos últimos corenta anos reflexionan sobre o seu oficio en xeral e a súa obra en particular. En cadansúa conversa, Siro, Xaquín Marín, Xosé Lois, Gogue e Pepe Carreiro maniféstanse, entre outras cousas, sobre a persistencia da censura, o papel do humor gráfico na prensa, a función do humorista gráfico e a existencia ou non dun humor galego de seu. O libro complétase cunha ampla e representativa escolma de cada un destes humoristas na que se pode albiscar a evolución do seu traballo ao longo do tempo.