Internacional De Poesía Anarquista

Samuel Lema París, nado en Muros en 1984, é un músico e escritor galego. Licenciado en Filoloxía Galega e Filoloxía Hispánica pola Universidade da Coruña. Membro do proxecto Tinta de Lura, blogueiro e exbaixista do grupo Terbutalina. Publica en 2008 o “Manual da destrución” no Netlabel A Regueifa. En 2012, “Inflamable” en Edicións Positivas. En 2013 escribe e publica un poemario completo á semana no seu blog. En 2015 publica, baixo demanda, 25 poemarios con textos inéditos e exclusivos escritos integramente a man. En 2020 volve para demostrar quen é mellor defensa central da poesía actual.