Nomes De Fume

Sinopse A organización do Premio Nacional de Poesía Xosemaría Pérez Parallé daba a coñecer esta fin de semana o fallo do xurado da XXIX edición deste galardón. A buenense Miriam Ferradáns foi a gañadora da última edición do prestixioso premio co poemario Dos nomes do fume. O xurado, composto por Lara Dopazo, Paco Souto e Eduard Velasco destacou deste traballo "o fío narrativo que conduce a quen le ao longo de todas as páxinas" e mais sinalou que "o conxunto, escrito cun estilo limpo e cunha clara vontade de construción dunha voz propia, goza dunha forte unidade e solidez"