O atentado de Ulrike Meinhof

Nós eramos esa humanidade” — a ousada forza da vía operaria — o camiño marcado onde todo é todo cada minuto e as fraccións xerminan na espiral dun intre — we few, we happy few — “vestidos de negro / e con pasamontañas” — as armas escollidas pola xente en nome da liberación — a beleza segadora da divina acción política “foi coherente” — Berlín ou Ferrol Rúa da Terra — a trepia criada á sombra de Foucellas: Baader, Ensslin, Söhnlein – as palabras relativas ao pobo: tenra a opacidade da cripta que protexe  a loita — tenra a fraternidade que conforman os cactus — tenra a incansable causa debuxada en cada muro. Fronte ao inimigo, a consigna: para nós, o mundo de todas; para ti, fascista, a nosa ira.

Amauta Castro