O QUE TEN QUE APRENDER UN CEMPES QUE QUEIRA SE

Perico estaba nervioso porque ía á escola por primeira vez. Ao cantar o galo, saltou da cama, calzou os cen zapatos, puxo o chapeu, colocou as lentes, e saíu correndo; pero chegou tan tarde que xa marcharan todos.
E isto non lle pode pasar a un cempés que queira ser sabio!.
O primeiro día de escola é unha nova aventura na que se mistura expectación, nerviosismo e afán por descubrir cousas novas.
Nesta historia, Perico está ansioso por aprender, pero non é quen de organizar a súa loxística diaria para chegar a tempo. O pequeno cempés decide pedirlle axuda á gata e á araña que, malia lle daren sabios consellos, non conseguen resolver o problema. Finalmente serán as
formigas, nas que Perico non confiaba nun principio, as que lle axuden a atopar a solución.
A aventura de Perico, para a autora e narradora Mercedes Carrión, é unha historia de ?superación e crecemento persoal?. O protagonista xa é sabio desde o momento no que asume o seu problema e decide poñer os medios para solucionalo, pois ten moi claro o seu obxectivo e non
desiste no seu empeño. A súa constancia lévalle a resolver as dificultades, grazas á colaboración e o apoio das amizades.
Na proposta plástica, Francesca Chessa traslada a enerxía e perseveranza de Perico ao conxunto da obra, a través dunha ambientación colorista e vital. Combina acrílicos con lapis e pasteis para dotar a imaxe de optimismo e humor, a través dunha gama cromática de cores cálidas e alegres
Unha proposta moi especial que anima a entender a escola como un lugar estimulante e divertido.