Os Fantasmas Non Petan Na Porta

O Oso e a Marmota son grandes amigos e sempre brincan xuntos. É xenial atopar tesouros ou cantar e bailar como se fosen estrelas. Mais unha tarde, o Oso dille á Marmota que convidou o Pato a brincar con eles. Non pode ser! Á Marmota non lle chista o Pato. Nin o Pato, nin ningún outro animal que poida estragar a súa amizade en exclusiva co Oso. Por iso está decidida a evitar que o Pato vaia enredar con eles. E será quen de facer o que sexa necesario! Que leas provocarán as súas ideas tolas? Á fin e ao cabo, pode que ter moitas amizades non sexa tan malo, e si moito máis divertido do que imaxinara...