Xoguetes Para Nenos Cegos

Xosé rememora os anos da posguerra xunto a Xan, o fillo cego dos Pena Moura, co que medrou servíndolle como fiel guía e recibindo en pago os refugos dos vencedores. Xoguetes para nenos cegos é un relato sórdido, doloroso nalgúns momentos, anguriante noutros, dun tempo non afastado de opresión, miseria e incultura. Luz Darriba impregna a narración dun ritmo in crescendo para remexernos por dentro e mostrarnos, sen paliativos, os abismos aos que dirixe a cegueira humana.