Paxaros Na Cabeza

Sinopse Aquel reino era pequeño e non demasiado rico. Había un Rei e tres ministros: o Ministro de Defensa, que era coronel, o de Economía, que era moi intelixente, e o Ministro de Todo o Demais, que era moi emprendedor. O Rei oía todas as propostas que lle formulaban e reflexionábaas despois no seu trono, na compaña dos paxaros que lle cantaban, aniñaban na súa cabeza e axudábanlle a tomar decisións xustas e xuiciosas. Os tres ministros estaban cheos de ambición e querían a toda costa conseguir os seus malvados propósitos. Así que decidiron tramar un plan para quitarlle ao rei os paxaros da cabeza...