Tío Elefante -Galego-

...Levantouse unha tormenta e o barco non volveu. Mamá e papá estaban desaparecidos no mar. Eu estaba só. Quedei no meu cuarto coas cortinas corridas. Sentín petar na porta. –Ola, son Tío Elefante -dixo unha voz... Tenrura e sensibilidade son algunhas das emocións que desprende este relato entrañable, un clásico imprescindible da Literatura Infantil de todos os tempos. O pequeno elefante pasa un tempo co seu tío, que mitiga a base de contos reparadores, cancións divertidas e xogos de palabras a tristura que provoca no seu sobriño a desaparición dos seus pais.