Adeus India, Adeus

Ópera prima de Xosé Manuel Villanueva, “Adeus India, adeus” é o testemuño literario de toda unha xeración, unha obra na que o autor descobre os desenganos e desilusións dos mozos que na década de 1960 pretenderon cambiar o mundo con revolucionarias propostas e ideas. A obra preséntase como unha intensa experiencia de vida en que se amosa a imaxe da amizade reflectida nas accións e nos sentimentos dos personaxes. Unha historia difícil, ben construída, coa que Villanueva irrompe no territorio da literatura galega con forza e voz propia.