Cando Era Tempo De Inverno

Sinopse Libro de oito relatos de marcado carácter realista, non exentos de certo intimismo. Tralo devalar cotián das vidas dos personaxes, enxérganse anacos dun tempo pasado: a época da posguerra e os anos setenta e oitenta. Malia non facer referencia explícita a eles, entrevense os espazos nos que se desenvolven: Lugo, Santiago e pequenas vilas e aldeas dos arredores. A morte, o amor, a descuberta da "Literatura" e a violencia física e social exercida contra os máis débiles, sobre todo contra as mulleres, son os temas tratados en Cando era tempo de inverno.