A moza Gabrielle de Bergerac tivo a fortuna de nacer nunha familia ilustre da nobreza rural francesa previa á Revolución. Pero tamén a desgraza de non contar con bens propios, circunstancia que fará que calquera indicio de curiosidade vital, de inquietude intelectual, quede afogado ante a perspectiva de elixir entre dúas opcións igualmente sombrías: ou un matrimonio favorable ou o claustro. O seu carácter nobre e a súa natureza indagadora quedarán ao descuberto cando no seu pechado círculo social aparece Coquelin, o preceptor do seu sobriño, un home pobre pero capaz de demostrar que a audacia, o saber e a beleza son valores que nada teñen que ver coa clase social.