Palabras De Opoton

A novela Palabras de Opotón o Vello, de Avel·lí Artís i Gener está considerada unha obra de referencia da literatura catalá do século XX. Ambientada en Galicia, o autor quixo darlle a volta á historia nunha ficción en que seis canoas aztecas parten de México no ano 1498 en dirección a Galicia para descubriren o novo mundo. Situada cronoloxicamente pouco antes do xenocidio de América, a novela fabula desde a ollada inocente ou desconfiada coa que os aztecas observan e interpretan os costumes e a vida galega de finais da Idade Media.